طريقة عمل بان كيك البطاطس والخضار ( بان كيك مالح )

طريقة عمل كحك العيد الناعم

لما نقول عيد الفطر، أو العيد الُصغير، يبقى العيدية، اللى كلنا واحنا أطفال كنا بنستناها بفارغ الصبر، واللى لما كبرنا بقى أولادنا وأولاد اخواتنا بيستنوا ياخدوها مننا. فلوس جديدة تدخل البهجة على قلب الأطفال، وفساتين وبناطيل جديدة للأطفال فى كل مكان، وسهرة للصبح من غير نوم، وأغنية أم كلثوم شغالة بتقول: يا ليلة العيد آنستينا وجددتى الأمل فينا، يا ليلة العيد.

كحك العيد فى مصر له تاريخ طويل، يرجع للعصر الفرعونى، كان يقدم في الأعياد ايضا، خصوصا فى يوم تعامد الشمس. هنلاقى إن فى مقابر فى طيبة ومنف، اترسمت على جدرانها عملية صناعة ونقش وخبز الكحك، من أهمها مقبرة "رخمى رع" من الأسرة 18، اللى بتشرح صورها إن عسل النحل كان يخلط بالسمن، ويقلب على النار وبعدين يضاف على الدقيق ويقلب لحد ما يتحول إلى عجينة يسهل تشكيلها، وبعدين يترص على ألواح الإردواز، ويدخل في الأفران، وساعات كانوا يحشو الكحك بالتمر المجفف (العجوة).

يعتبر كحك الناعم من اشهى الحلويات التي تقدم في الأعياد والمناسبات ,أيضا يمكن حشوه بالملبن او العجوه أو العجمية أو يترك ساده ,ويرش وجهه بالسكر البودرة.

سنقدم اليكم في هذه المقالة طريقة عمل كحك العيد الساخن ويتميز بطعمه المميز والافضل بين جميع انواع الكحك, ولكن لا يحفظ لفترات طويله جدا لان رائحته تتغير.

على عكس كحك العيد على البارد يمكن الاحتفاظ بة لفترات طويلة في المجمد.

(مقادير كحك العيد):

• 250 جرام سمنة بلدي(ربع كيلو)او زبده.
• نصف كيلو دقيق الا ملعقتين كبار من الدقيق.
• ٢معلقه كبيرة نشا.
• نصف ملعقة صغيرة ملح.
• ملعقة كبيرة من ريحة الكعك.
• ملعقتين كبيرتين من السمسم.
• ملعقة صغيره خميرة.
• ملعقة صغيرة سكر.
• 4 ملاعق ماء فاتر.
• سكر بودر للتزيين.
• ملبن أو عجوة أو مكسرات الحشو.

(طريقة عمل كحك العيد الناعم):

 _ يخلط الدقيق والنشا ورشة الملح ثم يفرق الخليط فى شكل دائرى ويضاف ريحة الكحك والسمسم

_ تقدح السمنة على النار وتضاف على خليط الدقيق ويقلب لايعجن.

_ يقلب السكر والخميرة فى الماء وتترك قليلاً ثم يضاف على خليط الدقيق ويقلب بأصابع اليد.

 _ تشكل كرات وتبطط و,ثم نضع الملبن أو العجوة بعد تشكيلهم لكور صغيرة ونغلقها و تشكل بالمنقاش أو باستخدام سكين حسب الأدوات المتاحة والمتوفرة فى المنزل.

_ يرص فى صينية بها ورق زبدة ويغطي ويترك نصف ساعه ,ثم ندخل كحك العيد على فرن تم تسخينه مسبقا على حرارة 200  على الرف الاوسط حتى تمام النضج.

يترك حتى يبرد تمام ويوضع في علب الحفظ وعند التقديم يوضع في الأطباق ويرش وجهه بالسكر البودر أو يأكل ساده بالف هناء.